Blogging vs YouTube in Marathi: तुम्हाला कोच किंवा डिजिटल क्रिएटर म्हणून ऑनलाइन पैसे कमवायचंय, पण कशातून सुरुवात करावी हे समजत नाहीये? मग चला, ब्लॉगिंग आणि यूट्यूब हे दोन सोपे आणि लोकप्रिय करिअर ऑप्शन विषयी समजून घेऊया.
मी स्वतः गेल्या पाच वर्षांपासून ब्लॉगिंग करत आहे. मी 2022 मध्ये ऑनलाईन पैसे कमवायला सुरुवात केली.
तर, ब्लॉगिंग आणि यूट्यूबमधून तुम्हाला काय निवडायचं हे तुमच्या आवडीवर अवलंबून आहे.
ब्लॉगिंग:
जर तुम्हाला माझ्यासारखं लिहिणं आवडत असेल आणि कॅमेऱ्याच्या मागे राहून काम करायला आवडत असेल, तर ब्लॉगिंग हा बेस्ट ऑप्शन आहे.
यूट्यूब:
जर तुम्हाला लिहिणं फारसं आवडत नसेल, पण कॅमेऱ्यासमोर बोलायला मजा वाटत असेल, स्पिकिंग स्किल चांगली असेल तर यूट्यूब तुमच्यासाठी परफेक्ट आहे.
माझा स्वभाव आणि माझं काम लेखनाशी संबंधित असल्यामुळे मला ब्लॉगिंग अधिक सोयीस्कर वाटतं. कॅमेऱ्यासमोर बोलणं माझ्यासाठी आजही अवघड आहे. पण मी त्यावर पण काम करत आहे.
तुम्ही दोन्ही गोष्टी एकत्र करू शकता – ब्लॉग आणि यूट्यूब. त्यामुळे अधिक लोकांपर्यंत पोहोचायला आणि वेगवेगळ्या प्रकारे कमाई करायला मदत होते.
तर, तुमचं काम सुरू करण्यासाठी तुम्हाला काय अधिक सोपं वाटतं?
Blogging vs YouTube in Marathi: तुमच्यासाठी योग्य पर्याय निवडण्यासाठी ९ महत्त्वाचे मुद्दे
१. कॅमेऱ्यासमोर येण्याची तयारी
यूट्यूब निवड करताना कॅमेऱ्यासमोर येणं ही एक मोठी गोष्ट असते.
खूप जणांना कॅमेऱ्यासमोर येणं अजिबात आवडत नाही. काही लोक सरावाने हे आपली भीती घालवतात, पण काहींसाठी ते खूप कठीण असतं.
मी सुद्धा पूर्वी कॅमेऱ्यासमोर बोलायला घाबरायचे. स्वतःचा व्हिडिओ बघणं किंवा स्वतःचा आवाज ऐकणं मला अजिबात आवडायचं नाही. पण, मी कंटेंट क्रिएशन सुरू करण्याचं ठरवलं. ते माझ्यासाठी एक चॅलेंज होतं.
कॅमेऱ्याची भीती घालवण्यासाठी, मी आधी खूप सारे सेल्फी व्हिडिओ बनवले आणि ते स्वतः बघायला सुरुवात केली.
हळूहळू, मी माझा पहिला व्हिडिओ शूट करण्याचं धाडस केलं. त्यानंतर हा प्रवास थोडा सोपा झाला.
पण खरं सांगायचं, तर अजूनही मला कॅमेऱ्यासमोर बोलायला भीती वाटते. माझ वागणं खूप आर्टिफिशल वाटतं, जसं मी स्वतःला खरं व्यक्त करू शकत नाही.
यूट्यूब स्टार्ट करायचं म्हटलं म्हणजे प्रत्येक व्हिडिओ बनवणं आणि एडिट करणं खूप वेळखाऊ आणि मेहनतीचं काम वाटतं. हे माझं वैयक्तिक मत आहे.
जर तुमचंही माझ्यासारखं असं काही वाटत असेल, तर तुम्ही ब्लॉगिंगपासून सुरुवात करायला हरकत नाही.
कॅमेऱ्यासमोर चेहरा दाखवायचा विचार जरी असह्य वाटत असेल, तरी निराश होऊ नका. आजकाल तुम्ही AI अवतार तयार करून तुमच्यासाठी बोलायला लावू शकता.
#2. तुमचं कामाचं वातावरण
ब्लॉगिंग आणि यूट्यूब यापैकी योग्य पर्याय निवडताना तुमच्या कामाचं वातावरण लक्षात घेणं खूप महत्त्वाचं आहे.
यूट्यूबसाठी व्हिडिओ बनवताना चांगल्या क्वालिटीचा आवाज आणि Background गरजेचं असतं.
जर तुमच्या व्हिडिओंमध्ये आवाज किंवा Background योग्य नसेल, तर लोक लगेचच कॉमेंट्समध्ये तक्रार करायला सुरुवात करतील.
तुमचं वातावरण जर खूप गोंगाटाचं असेल, तर चांगल्या आवाजाच्या क्वालिटीचे व्हिडिओ तयार करणं कठीण होऊ शकतं.
तसंच, जर तुमच्याकडे Natural चांगल्या प्रकाशाची खोली नसेल, तर तुम्हाला लाईटिंग किटमध्ये गुंतवणूक करावी लागेल किंवा व्हिडिओ रेकॉर्ड करण्यासाठी दुसरी जागा शोधावी लागेल.
याउलट, ब्लॉगिंगसाठी तुम्हाला फक्त एक अशी जागा लागते जिथं तुम्ही तुमच्या लॅपटॉपवर टायपिंग करू शकता.
तुमच्या किचन टेबलवर, सोफ्यावर किंवा अगदी पलंगावरसुद्धा तुम्ही ब्लॉग लिहू शकता. मी माझ्या ब्लॉग्गिंगची सुरुवात कुडाच्या घरातून केली होती.
कामाच्या वातावरणाच्या दृष्टिकोनातून बघितल्यास, ब्लॉगिंगसाठी लागणाऱ्या सोयी-सुविधा यूट्यूबच्या तुलनेत खूपच कमी आहेत.
#3. तुमचं स्किल
ब्लॉगिंग आणि यूट्यूबसाठी लागणारी स्किल खूप वेगवेगळी आहेत.
ब्लॉगिंगसाठी आवश्यक स्किल :
लेखन कौशल्य: तुम्हाला चांगलं लिहिता यायला हवं. सुरुवातीचे काही ब्लॉग पोस्ट्स स्वतः लिहिणं कधीही चांगलं. नंतर तुम्ही फ्रीलान्स रायटर्स करून घेऊ शकता.
नियोजन: ब्लॉग यशस्वी होण्यासाठी नियमितपणे नवीन आणि उपयुक्त कंटेंट तयार करणं आवश्यक आहे.
तांत्रिक ज्ञान: ब्लॉग सुरू करणं, कीवर्ड रिसर्च करणं, कंटेंट पब्लिश करणं, टेक्स्ट एडिट करणं, इमेजेस Add करणे आणि सोशल मीडियावर प्रमोशन करणं.
SEO ची समज: गुगलवर तुमचा ब्लॉग रँक करणं आवश्यक आहे. गुगलवर न दिसणारा ब्लॉग फारसा उपयोगी ठरत नाही.
धीर आणि सातत्य: ब्लॉगिंगमध्ये यश रातोरात मिळत नाही. सहसा, रिजल्ट्स दिसायला ६ महिने लागतात.
यूट्यूबसाठी आवश्यक कौशल्यं:
कॅमेऱ्यासमोर आत्मविश्वासाने बोलणं.
व्हिडिओ स्क्रिप्ट करणं: प्रेक्षकांना खिळवून ठेवण्यासाठी तुमचा व्हिडिओ संगतीने आणि आकर्षक पद्धतीने तयार करावा लागतो.
बेसिक व्हिडिओ एडिटिंग: Descript सारखं टूल वापरून सोप्या पद्धतीने एडिटिंग सुरू करू शकता.
यूट्यूब SEO: यूट्यूबही एक सर्च इंजिन आहे, त्यामुळे चांगलं SEO करायला शिका.
थंबनेल तयार करणं: लोकांना तुमचे व्हिडिओ क्लिक करायला आकर्षित करण्यासाठी थंबनेल खूप महत्त्वाचं आहे.
#4. ब्लॉगिंग vs यूट्यूबसाठी लागणारा खर्च
ब्लॉगिंग आणि यूट्यूब, दोन्हीसाठी कमी बजेटमध्ये सुरुवात करणं शक्य आहे.
यूट्यूबसाठी खर्च:
- व्हिडिओ बनवण्यासाठी एक चांगल्या क्वालिटीचा स्मार्टफोन पुरेसा आहे.
- व्हिडिओ एडिटिंगसाठी मॅकबुक असेल, तर तुम्ही iMovie फ्री वापरू शकता.
- व्हिडिओंची क्वालिटी सुधारण्यासाठी लॅपल माइक आणि ट्रायपॉडसारख्या टूल मध्ये थोडी गुंतवणूक करू शकता.
- चॅनेल वाढवण्यासाठी मुख्य खर्च शूटिंग आणि एडिटिंगसाठी लागणाऱ्या टूल वर होतो.
ब्लॉगिंगसाठी खर्च:
ब्लॉग सुरू करण्यासाठी ५००० रुपयांपेक्षा कमी खर्च होतो. यासाठी लागणाऱ्या गोष्टी:
डोमेन नेम: तुमच्या नावासोबतचं डोमेन नेम मिळवण्याचा प्रयत्न करा (जसे Bloggervinita).
वेब होस्टिंग: सुरुवातीला Bluehost किंवा Hostinger सारख्या स्वस्त होस्टिंग प्लॅनने सुरू करा. तुमचा ब्लॉग वाढला की Cloud सारख्या होस्टिंगवर स्विच करा.
वर्डप्रेस (फ्री): वर्डप्रेसची सेल्फ-होस्टेड Version वापरून सुरुवात करा.
वर्डप्रेस थीम: Generate Press सारखी फ्री थीम वापरून सुरुवात करू शकता.
ब्लॉगिंगसाठी सुरुवातीला यापेक्षा जास्त काही लागत नाही. तुम्ही हळूहळू इतर टूल्स जोडून तुमचा ब्लॉग Improve करू शकता.
#5. कंटेंटची मालकी (Content Ownership)
ऑनलाइन कमाई करताना तुमचं कंटेंट तुमचं स्वतःचं असणं हे खूप महत्त्वाचं आहे, विशेषतः सोशल मीडिया प्लॅटफॉर्म्सचे अल्गोरिदम वारंवार बदलत असतात.
यूट्यूबसारख्या कोणत्याही सोशल मीडिया प्लॅटफॉर्मला तुमचं कंटेंट कधीही डिलीट करण्याचा, अल्गोरिदममधून हटवण्याचा किंवा तुमचं अकाउंट बॅन करण्याचा अधिकार असतो.
जर असं काही झालं, तर तुमचा सगळा बिझनेस एका रात्रीत संपुष्टात येऊ शकतो.
ब्लॉगिंग आणि यूट्यूब यामध्ये कंटेंटच्या मालकीचा मोठा फरक आहे.
जर तुम्ही स्वतःच्या होस्ट केलेल्या प्लॅटफॉर्मवर ब्लॉग चालवत असाल (जसे की वर्डप्रेस), तर तुमच्या कंटेंटवर पूर्णपणे तुमचं नियंत्रण असतं.
स्वतःच्या होस्ट केलेल्या ब्लॉगमुळे तुमचं बिझनेस आणि उत्पन्न अल्गोरिदममधील अचानक बदलांपासून किंवा अकाउंट डिलीट होण्याच्या धोक्यांपासून सुरक्षित राहतं.
मात्र, हे फक्त स्वतः होस्ट केलेल्या ब्लॉग्सना लागू होतं. जर तुम्ही Medium किंवा WordPress.com सारख्या प्लॅटफॉर्मवर ब्लॉग चालवत असाल, तर तुमचं कंटेंट पूर्णपणे तुमचं राहत नाही.
जर तुम्हाला तुमच्या कंटेंटवर पूर्ण नियंत्रण हवं असेल, तर यूट्यूबपेक्षा ब्लॉगिंग हा ऑप्शन निवडा.
#6. कमाईची क्षमता (Monetization Potential)
ऑनलाइन कामाचं मुख्य उद्दिष्ट पैसे कमवणं असतं. त्यामुळे, ब्लॉगिंग आणि यूट्यूब यामध्ये कमाईची क्षमता नक्की लक्षात घ्या.
यूट्यूबवर काही लोक लाखो-कोट्यवधी रुपयांची कमाई करतात, हे तुम्ही ऐकलं असेलच. मात्र, हे यश खूप कष्टसाध्य आहे.
तुम्हाला अशा प्रकारचे व्हिडिओ तयार करावे लागतात जे ऑडियन्सला शेवटपर्यंत खिळवून ठेवतील.
ब्लॉगिंग मात्र जास्त दीर्घकालीन कमाईसाठी चांगला ऑप्शन ठरतो, विशेषतः जे लोक व्हिडिओ इन्फ्लुएंसर बनायला इच्छुक नसतात त्यांच्यासाठी.
यूट्यूबवर पैसे कमवण्यासाठी काही अटी पूर्ण कराव्या लागतात.
उदा.
१,००० सबस्क्राइबर्स आणि ४,००० वॉच टाइम तास असावेत.
शिवाय, यूट्यूबवरील Google Ads फार मोठा Revenue देत नाहीत.
याउलट, ब्लॉगिंगमध्ये तुम्ही Google AdSense किंवा Ezoic वापरून Ad चालवू शकता.
#7. कमाईचे ऑप्शन (Monetization Strategies)
ब्लॉगिंग आणि यूट्यूब दोन्हीसाठी विविध प्रकारे कमाई करता येते.
ब्लॉग कसा कमावतो?
- डिस्प्ले जाहिराती (उदा. Ezoic)
- अफिलिएट मार्केटिंग
- बिझनेस पार्टनरशिप्स
- स्पॉन्सरशिप
- डिजिटल किंवा फिजिकल प्रॉडक्ट्स विक्री
- कोचिंग किंवा कन्सल्टिंग सर्व्हिसेस
- ब्लॉग विक्री (उदा. Flippa चा वापर).
- यूट्यूब कसा कमावतो?
- व्हिडिओ जाहिराती (Google Adsense)
- ब्रँड स्पॉन्सरशिप
- अफिलिएट मार्केटिंग
- डिजिटल किंवा फिजिकल प्रॉडक्ट्स विक्री
- कोचिंग किंवा कन्सल्टिंग सर्व्हिसेस
दोन्ही प्लॅटफॉर्मवर SEO महत्त्वाचं आहे. तुमचं कंटेंट जास्तीत जास्त लोकांपर्यंत पोहोचवण्यासाठी चांगली SEO स्ट्रॅटेजी तयार करा.
#8. स्पर्धा (Competition)
तुमच्या निवडलेल्या विषयात आधीच किती स्पर्धा आहे, हे समजून घेणं खूप महत्त्वाचं आहे.
खालील प्रश्न विचारून स्पर्धेचा अभ्यास करा:
- ते कोणत्या प्रकारचं कंटेंट तयार करतात?
- त्यांच्या यशस्वी पोस्ट्स किंवा व्हिडिओंची वैशिष्ट्यं काय आहेत?
- ते कोणत्या प्रकारे कमाई करतात?
- त्यांच्या स्ट्रॅटेजीमध्ये सुधारणा करण्यासाठी तुम्ही काय वेगळं करू शकता?
स्पर्धा म्हणजे अडथळा नाही, तर ती तुमचं स्थान शोधण्यासाठी मार्गदर्शक ठरते.
#9. विश्वास निर्माण करणं (Building Trust)
ऑनलाइन जगात विश्वास निर्माण करणं खूप महत्त्वाचं आहे.
यूट्यूबच्या तुलनेत ब्लॉग सुरू करणं खूप सोपं आहे, पण यामुळे फेक कंटेंट आणि स्पॅमर्सही अधिक सहजपणे प्रवेश करू शकतात.
यूट्यूबवर लोक तुम्हाला पाहतात, तुमचा आवाज ऐकतात, त्यामुळे त्यांचा तुमच्यावर जास्त विश्वास बसतो.
ब्लॉगिंग आणि यूट्यूब एकत्र करणे: परस्परपूरक यशाचा फॉर्म्युला
तुम्हाला ब्लॉगिंग आणि यूट्यूब यापैकी काय निवडायचं याबाबत अजूनही संभ्रम आहे का?
तर चांगली बातमी म्हणजे – तुम्ही दोन्ही करू शकता! आणि ते एकमेकांना पूरक बनवून यशस्वीपणे चालवू शकता, तेही न खूप ताण घेतल्याशिवाय.
दोघ काम कसे करू शकता
आधी एखाद्या विषयाचा सखोल अभ्यास करून ब्लॉग पोस्ट लिहा. यामुळे ती Google सर्चमध्ये रँक होण्यास सुरुवात करते.
ब्लॉग पोस्ट प्रकाशित केल्यानंतर, त्यातील मुख्य मुद्दे घेऊन यूट्यूब व्हिडिओसाठी एक संक्षिप्त स्क्रिप्ट तयार करा. हा व्हिडिओ सहसा ब्लॉगमध्ये घेतलेल्या माहितीपेक्षा शॉर्ट असतो.
मग स्क्रिप्टनुसार व्हिडिओ रेकॉर्ड करा, तो यूट्यूबवर प्रकाशित करा आणि संबंधित ब्लॉग पोस्टमध्ये तो व्हिडिओ एम्बेड करा.
हे का प्रभावी ठरतं?
Google वरून ब्लॉग पोस्ट वाचायला आलेल्या वाचकांना व्हिडिओ पाहण्याचा ऑप्शन मिळतो, जो बऱ्याच लोकांना सोयीस्कर वाटतो.
यामुळे ब्लॉग पेजवर वाचक जास्त वेळ घालवतात, ज्यामुळे Google तुमच्या पेजच्या गुणवत्तेचा अंदाज घेतो आणि तुमची पोस्ट टॉप रँक करण्याची शक्यता वाढते.
सर्वात चांगलं काय असेल?
सर्व ब्लॉग पोस्टसाठी अशा पद्धतीने यूट्यूब व्हिडिओ तयार करणे हा एक आदर्श मार्ग आहे.
पण, जसं मी आधी म्हटलं, यूट्यूब माझ्यासाठी जरा कठीण वाटतं. शूटिंग आणि एडिटिंग करणे मला जास्त वेळखाऊ वाटतं.
How to Choose Blog Niche in Marathi | 2025 मध्ये Profit मिळवणारा ब्लॉग Topic कसा निवडावा?
